Xalıq aralıq  miyirbikeler kúni 

Akademik Yo.X.Turakulov atındaǵı Respublika, qaniygelestirilgen endokrinologiya ilimiy – ámeliy medicina orayınıń Qaraqalpaqstan Respublikası filialında 12-may xalıq aralıq  miyirbikeler kúni  munásebeti menen bayram ilaji ótkerildi.

Bayram ilajin filial direktorı J.N.Ubbiev ashıp, miyirbikelerdi bayram múnasebeti menen qutlıqladı, jánede filial direktor orınbasarı L.Ramanova, kásiplik awqam  baslıǵı B.Kartbaevalar, bas miyirbike  A.Sultaniyazovalar  filialda  islep atırǵan barlıq orta buwın medicina  xızmetkerlerin  qutlıqladı  hám bas miyirbike  A.Sultaniyazova 12-may xalıq aralıq miyirbikeler  bayramınıń kelip shıǵıw tariyxın bayramnıń tiykarın salıwshı Anglyada bay shańaraqta 1820 jılı 12-mayda tuwılǵan F.Naytengel’ ekenligi, onıń bay shańaraqtan shıqqanlıǵına hámde ata-anasınıń qarsılıǵına qaramastan nawqaslarǵa jádem beriw ushın miyirbikelik kásibin tańlaǵanı hám kóp shıǵarmalar jazǵanı haqqında aytıp berdi. Májlis dawamında filialda islewshi bir qatar orta medicina xızmetkerleri xúrmet jarlıqları menen sıylıqlandı hám bahalı sawǵalar berildi.