Insan qádiri ushın!

Qaraqalpaqstan Respublikası Densawlıqtı saqlaw ministriniń 2025-jıl 24-apreldegi 97-sanlı buyrıǵı tiykarında “Salamatlıq aylıǵı” sheńberinde Respublikalıq jumısshı toparlar tárepinen “Kem támiyinlengen shańaraqlar reestri”ne kirgizilgen xalıqtı medicinalıq tekseriwden ótkeriw jumısları alıp barılmaqta. 2025-jıl 10-iyun kúni Moynaq rayonı medicina birlespesi janındaǵı KTMP bazasında Ilimler hám innovaciyalar institutı filialı QR endokrinolog shıpakeri G.Gaipova tárepinen xalıqtı medicinalıq tekseriw hám skrining tekseriwleri ótkerilmekte. Medicinalıq tekseriw nátiyjesinde 12 puqaranıń 1 inde prediabet, 5 inde qalqan tárizli bez keselligi, 4 inde qantlı diabet anıqlanıp, 1 nawqas stacionar sharayatta emleniwge jiberilgen. Xalıq arasında salamat turmıs tárizi, salamat awqatlanıw hám fizikalıq belsendilik máseleleri boyınsha úgit-násiyat jumısları alıp barılmaqta.